Zlatan İbrahimoviç daha bir rekorda imza atıb

Zlatan İbrahimoviç daha bir rekorda imza atıb

"Milan"ın futbolçusu Zlatan İbrahimoviç daha bir rekord qırıb.

Assist.az xəbər verir ki, isveçli hücumçu A Seriyasında ən tez 150 qələbə həddinə çatan futbolçu olub. Onun rekordu 20-ci turda bu gün "Udinese"yə qalib gəldikləri (3:2) matçda qeydə alınıb.

İbrahimoviç "İnter"in keçmiş futbolçusu Esteban Kambyassonun rekordunu yeniləyib. Argentinalı 230 matçda 150 qələbəyə sevinmişdisə, Zlatan 222-ci oyununda buna nail olub.

Qeyd edək ki, 38 yaşlı forvard "Milan"a qayıdışından sonra 3 oyuna 1 qol vurub. O, 2010-2012-ci illərdə də “qırmızı-qaralar”da oynayıb.