Bu gün Qarabağ növbəti ÇL matçını keçirəcək
Rövşən Əlisoy
Sen 16, 2020
Azərbaycan çempionu Qarabağ bu gün UEFA Çempionlar Liqasında növbəti matçına çıxacaq.
Assist.az xəbər verir ki, Qurban Qurbanovun çalışdırdığı Ağdam təmsilçisi III təsnifat mərhələsində Molde ilə qarşılaşacaq.
Norveç çempionu ilə qarşılaşma Kiprdə baş tutacaq. Tək oyundan ibarət mərhələnin dueli azarkeşsiz keçiriləcək.
Bu cütün qalibi pley-offda Ferentsvaros (Macarıstan) – Dinamo (Xorvatiya) matçında qələbə qazanan komanda ilə üz-üzə gələcək. Məğlub komanda isə yoluna Avropa Liqasının pley-offunda davam edəcək.
UEFA Çempionlar Liqası
III təsnifat mərhələsi
21:00. Qarabağ - Molde
Hakimlər: Srcan Yovanoviç, Uroş Stoykoviç, Milan Mixayloviç, Novak Simoviç (hamısı Serbiya)
Kipr, Larnaka. “AEK Arena”.
